Hal yang Dilakuin Buru-buru Pas Udahannya Bikin Nyesel

Photo via upload.wikimedia.org

Pernah gak, ngerasain nyesel dalem hidup? Kek misalnya buru2 mutusin sesuatu gegara napsu atau emosi sesaat. Biasanya nih, udahannya bikin nyesel sampe gak mau makan. Ngambil keputusan itu gak bisa dilakuin buru2, kudu dipikirin mateng2. Mau hal kecil atau gede, tetep butuh pertimbangan. Emang, apa aja sih hal2 yang bikin jadi nyesel kalo buru2 dilakuin? Nih, saya kasih tau.

  • Kalap beli baju gegara banyak sale 

Diskon emang bikin orang jadi kalap, apalagi ngeliat baju inceran lagi sale up to 80%. Behhhh bawaannya pengen ngeborong semua. Pas beli, mikirnya “Kapan lagi diskon?” Eh pas pertengahan bulan jadi nyesel gegara gak ada duit buat jajan Gofutttt. 

Makanya, jangan kebawa sama hawa napsu buat belanja cuma gegara ada diskon. Sebenernya, sah2 aja belanja buat nyenengin diri sendiri, tapi kudu pertimbangin budget-nya juga. Jangan sampe amsyong pas akhir bulan. 

  • Mutusin pasangan cuma gegara gak bisa ngarahin Maps

“Kita putus!” Duhh… omongan kek gini emang suka bikin hati nyesek. Apalagi, cuma gegara masalah sepele kek gak bisa ngasih tau harus belok ke mana pas ngeliat Maps. Udah tau lagi buru2 mau ketemu klien, tapi kudu nyasar gegara pacar gak tau di depan ada belokan. Abis itu jadi kesel, trus mutusin pasangan. Duuhhh… gak banget! Percaya deh, ngelakuin sesuatu pas lagi emosi cuma bikin nyesel doang nantinya. 

  • Makan mie goreng jumbo, telornya 2 

Emang ya, bau mie goreng gak ada yang bisa ngalahin, apalagi kalo abis main bola ujan2an. Behhhh sedep banget tuh ngewarkop. Maksud hati cuma kepengen ganjel perut, tapi kok ujungnya ngelunjak jadi mesen mie jumbo, terus pake telor 2. Gegara laper, ngeliat temen makan ya otomatis ngiler. Pas udah kelar makan, baru inget udah 3 minggu gak makan malem. Buyarrrrr deh tuh usaha buat ngecilin perut. Huhuhu…

Emang ya, ngelakuin sesuatu gak bisa buru2, soalnya bisa bikin kalap. Ujung2nya pasti nyesel dah. Inget, penyesalan itu datengnya belakangan. Kalo di awal mah, namanya pendaftaran. AHAHAHAHA! 

NO COMMENTS

LEAVE A REPLY